Team-Eina frálíkt úrslit til HM í Finnlandi

Team HF Eina

endaði á einum sera flottum 9. plássi í HM finaluni í Finnlandi. Í innleiðandi kappingini, leygardagin, fingu tær 14,70 stig og rakk tað til eitt deilt 12. pláss saman við danska liðnum Team-Elina. Tólv tey bestu liðini komu víðari til finaluna sunnudagin, og við heili 15 stigum á finaludegnum otaðu genturnar á Team-Einu seg upp á eitt 9. pláss, beint framman fyri danska liðið, og kunnu sostatt kalla seg bestar í kongaríkinum

Jónvá og Ingibjørg hava sjálvar gjørt seriuna, sum bæði er flótandi og inniheldur tey teknisku krøvini. Nú verður spennandi um tey finnsku og russisku liðini fara at bíleggja seriur frá teimum

Eitt 9. pláss av 24 liðum og besta lið í kongaríkinum

er ikki fyri einki. Her liggur nógv venjing og hart arbeiði aftanfyri, men uttan fíggjarligan stuðul frá okkara stuðlum hevði hetta neyvan borið til. Genturnar á Team-Einu vilja tí takka stuðlunum