Norðoya Sparikassa Amboðskappingin væleydnað!
Sunnudagin 24. november 2019 skipaði Havnar Fimleikafelag fyri sera væleydnaðari kapping í
amboðsfimleiki. Tey, sum kappaðust, íðka øll vanligan breiddarfimleik ella eru á fyrireikingarliðum til
kappingarlið. Fimleikararnir kappaðust í fleiri bólkum í aldrunum 1.-2. flokk, 3.-4. flokk, 5.-6. flokk og 7. flokk
og eldri.
Til samans kappaðust umleið 100 fimleikarar á gólvi, í lopi, á trampolin, á bita (gentur) og í ringum
(dreingir). Flestu fimleikararnir vóru frá Havnar Fimleikafelag, men Ljósið átti eisini fleiri umboð og onkur úr
Støkk vóru eisini. Serliga stuttligt var tað, at Tvøroyrar Fimleikafelag møtti væl mannað til kappingina, og tey stóðu seg
eisini sera væl.
Tey, sum endaðu á fyrsta, øðrum og triðja plássi fingu medaljur, og harafturat fingu allir fimleikararnir
heiðursbræv fyri at hava luttikið og eitt serligt heiðursmerki um hálsin.
Fyrireikararnir takka fyri alla hjálp og stuðul til tiltakið! Væntandi verður ein amboðskapping aftur á skránni
til várs!
Stuðlar:
Norðoya Sparikassi
Bilimport
Føroya Keypssamtøka
Føroya Bjór